MENU
ESKOLA-LAGUNTZAILE

Eskola Laguntzaileei hiru hilean behin ordainduko zaie haborokina

Bizkaiko Saskibaloi Federazioak bere administrazio sailean lan egiten du Eskola Laguntzaileen haborokinak hiru hilean behin ordaindu ahal izateko, epaile eta mahaiko ofizial federatuekin gertatzen den bezala. Baina, horretarako, aktak lehenbailehen bidaltzeko eskatzen dizuegu.
 

Denboraldi honetako materialarekin batera ematen dizuegun “Eskola laguntzailea 2021-2022 programan” adierazi genizuen bezala, eskola-topaketetan parte hartzeagatik jasoko duzuen haborokina denboraldia amaitu ondoren ordainduko da.

Pandemiak eragindako geldialdi honetan ezarri ditugun hobekuntzen ondorioz, aipatutako haborokinak ordaintzeko epeak hobetu eta aurreratu ditzakegu, eta hiru hilean behin abenduan, martxoan eta ekainean egiteko konpromisoa hartu dugu.

Hala ere, gure helburua bete ahal izateko, zuen laguntza behar dugu, bai eta ikastetxeena ere, eta berriz ere eskatzen dizuegu eskola-akta guztiak partida jokatu eta hurrengo astean bidal ditzazuela.

Guztion laguntzarekin lortu ahal izango dugu hiruhileko ordainketa horiek egin ahal izatea, eta, gainera, ez dugu baztertzen hilabete bakoitzaren amaieran haborokin horiek ordaintzeko aukera, baldin eta partiden aktak jokatu eta hurrengo astean iristen badira.

Horrekin guztiarekin, Eskola Laguntzaileak ordaintzen ari zaizkion partidei buruzko informazio jarraitua izatea lortu nahi dugu, eta, horrela, denboraldi honetan zehar ikastetxeren batek izan ditzakeen akatsak edo aktarik ez emateak ere antzematea.

Hemen azaldutako guztiagatik, berriz ere laguntza eskatzen dizuegu, hobetzen jarraitzeko eta hemen adierazitako helburua lortzeko.